و اليوم بمناسبة أن ربعي قد أكملوا سمستر واحد في الغربة عقبال عدكم صرح مجلس العائلة بأن هؤلاء الربع لن يكملوا سنة من الدراسة خارج البحرين و ذلك في حكم غيابي غير قابل للاستئناف مطلقاً و ذلك لأن ليش إسافرون وفيه جامعات في البحرين

        عاد أحين أنا قاعد أفكر، هذا لين جيت بخطب – أهم شي البيض و الطماطة قصدي أهم شي خطيبتي  – بجون يقولون ليي أكو ربعك ما عرسوا و لين وديت ليهم ولدهم – ولد واحد من ربعي يعني – كمستند إثبات قانوني يعني أكيدن أكيدن بقولون ليي بتشوف جان ما سنة و طلقها، أما هذي شغلة بعد جان العالم شاء العالم أو أبى بيمشي على قانون فخامة المجلس شكلنا لا درسنا احنا و لا عرسنا و لا طلعنا موستنج   

        لكن عاد أنا أقول ليكم من أحين لو أن شاء الله جبت ليي وحدة من جزر المالديف لو من أكلة الهنود الحمر لو من عبدة صبعة رجولي الصغيرة، تدخل مزاجكم يعني تدخل مزاجكم لو عمية لو عرجة ولو ما فيها راس بعد ابغيها  و بعدين مو شرط لين أخذ علي مهدي وحدة متينة أنا تعطوني وحدة متينة بعد جان هو يحب الأكل كيفه أنا أحب الي عيونهم زرقان، أي و هذانا اقوليكم من الحين لا ما أروح الجامعة ترى و علوو تعال خلك تاخذ وحدة متينة تحطم مستقبلي ترى بذبحك ولين بتعرس بارك الله فيك جيب العقد جان يصدقون